Waar is jy nou sus

WAAR IS JY NOU SUS


Ons het jou verloor op die fleur van jou tyd
En almal het verslae agter gebly
Gewonder waarom jy, juis jy?
Maar tot vandag nie ʼn duidelik antwoord gekry
Jy was my sussie werklik ʼn ware vriendin
En die sonkring verseker,
van ons hele gesin
Uit die lig van die kleurryke vreugde se dag
het als verander in somber duistere nag


Ek het probeer om almal te troos
Maar toegevou verdoesel hoe ek regtig broos
Tog diep binne my hart gebreek
Met wie kon ek nou my hartseer bespreek?
Van lewe en lig en wonderlik jy
Moes ons aanpas en voortgaan het ons harte gely
Jou kinders het voor my so hartseer gestaan
En ek was self een
het hul trane goed verstaan


Ek het aan jou belowe om hul goed op te pas
Maar die loop van die lewe
het ons almal verras
Sommer so sonder rede van vars tot verwelk
Die lewe se dood
het ons saamwees verswelg
En ek wonder vandag nog en elke nag
Waar is jy nou en of jy nog lag?
Maar in troos van die Here se woord kan ek rus
Sy liefde en hoop behoort almal te sus


Ek wonder ook somtyds wat jy nou sou sê?
Oor jou kinders se kinders
en hoe hul lewens nou lê
Ek wil glo in jou vrede en jou hemelse lus
Want dit is waar ek jou graag sou sien rus.

(vir jou Ousus)

ek glo ons geliefdes bly ons by,..sien ons en kyk na ons,... pragtige werk

Ure se trane oor die gedig. Haar twee meisiekinders is Pragtig,jongste het 15 skoonheids titels sy is just beautifull! Dankie vir die terugvoer.