Dis waar ek jou kry

Jy sleepvoet elke tree saam met my
bly in die bog van my rug
in die onthou van vergeet is jy
die skadu van jou gesig kom terug na my

in die ritme van my hart wat by jou stop
daar waar ek nog steeds vir jou wag
hoor ek jou liefde nog klop vir klop
jou strelende liefhê hande so sag

jou vuur wat brand hier in my
waar ek my na-winter lyf warm maak
die louwarm as wat na die nag agterbly
dit voel of jou hande nog steeds aan my raak

net hier in die holte vir jou gehou
waar net jy kan inpas
ek jou alles in my toevou
hou ek jou vir ewig in my vas.

Dis waar ek jou kry
langs die paaie na my hart
hier het jy lank terug kom bly
nou is dit jou herinneringe wat my tart.

jy toon soveel liefde en samesyn in awesigheid hier, fyn gekryf hou hiervan