jou reuk klou nog aan my bed
my lyf
die onthou van smag en soet
rooiwynvlekke kring verlange
as my hart se ketting skakels
roes lê in verweer
oranje-geel
lek-lek vlamme aan die hemelruim
as my hart sterre skiet
onder 'n rooi donkermaan
ek staan stil
en verlang
na waar ons eens saam,
hand aan hand,
ons harte ineen kon vleg
saam kon droom, lag en leef
en nou…?
nou hang jou reuk
steeds in my laat-nag droom
waar ek weet
jy ook vanaand
nes ek,
iewers sweef in koel-nag-hoop
BennyB
©16/06/2011 Barend Booysen