Deur die krake van my aarde kan ek sien
hoe wortels deur my voete kruis,
water bloei rou seer onophoudend.
Niks is skoon of blink teen lewe nie.
Die toekoms is rooi gestolde klonte.
Ek sien kinders verdrink
in die oorlog tussen reg en verkeerd.
'n Ma huil onbeskaamd met haar hande op na bo,
met haar skurwe knieë probeer sy weer opstaan
vir nog een laaste keer.
Doringdraad sny die hande van onskuldiges.
Die toekoms was rooi gestolde klonte.
Kilometers ver voor my oop is daar grafte
mense staan met dooie blomme en goedkoop verse.
Ek sien leiers afbreek
terwyl my generasie wyn drink tot na twaalf.
Stil verdwyn die drome.
Waar kom ons hulp vandaan,
as die kore ophou sing
en jy die helder kampvure voor ons sien dood waai?
Ek het terug gesit
kaalvoet vol eie-huil op die grond.
Egte mense stap verby .
In my agtergrond praat die oseaan weer in elf tale.
Soms kraak vrede as jy stil sit en hoop.
Teen skemer was ek vry
ek het weer my regte wêreld terug gekry
tussen al die ou rooi gestolde klonte.
hoe wortels deur my voete kruis,
water bloei rou seer onophoudend.
Niks is skoon of blink teen lewe nie.
Die toekoms is rooi gestolde klonte.
Ek sien kinders verdrink
in die oorlog tussen reg en verkeerd.
'n Ma huil onbeskaamd met haar hande op na bo,
met haar skurwe knieë probeer sy weer opstaan
vir nog een laaste keer.
Doringdraad sny die hande van onskuldiges.
Die toekoms was rooi gestolde klonte.
Kilometers ver voor my oop is daar grafte
mense staan met dooie blomme en goedkoop verse.
Ek sien leiers afbreek
terwyl my generasie wyn drink tot na twaalf.
Stil verdwyn die drome.
Waar kom ons hulp vandaan,
as die kore ophou sing
en jy die helder kampvure voor ons sien dood waai?
Ek het terug gesit
kaalvoet vol eie-huil op die grond.
Egte mense stap verby .
In my agtergrond praat die oseaan weer in elf tale.
Soms kraak vrede as jy stil sit en hoop.
Teen skemer was ek vry
ek het weer my regte wêreld terug gekry
tussen al die ou rooi gestolde klonte.
