Soms mis sy hom

Haar ID-nommer begin met een drie
en hierdie
eeu , is haar laaste een .

32 jaar laas
het sy die drif
van ñ man gevoel
om haar , oor haar , in haar .

Soms mis sy dit
die hande vashou
die soen
die liefde
en aanbidding
van oë .

Soms mis sy dit
hande wat kurwes ken
wat weet
waar om te vat
en hoe om te liefkoos .

Soms mis sy hom
sy sagte stem
sy geduld
sy verstaan
sy omgee
sy drukkies .

Soms mis sy hom
sy teer vat
sy stoppel-wang
sy stil-lippe
wat trane
van wange afsoen .

Sy staan stom
en krom
en moeisaam op
en skink
vir haar ñ koppie tee .

Met die agterkant
van haar oumens-hand
vee sy haar trane af .

Soms mis sy hom .


( 23/12/2009 09h58 )