sag trek ‘n vroeë aand
aan my hart se golwe
waar ek jou
vir ’n oomblik
in my arms hou
gedagtes maalkolk
in prentjies,
jou reuk
jou droomverlore oë
'n bloudruk
teen my hart se kamermure,
polsend mooi
ek skryf ’n duisend gedagtes
waar ek drome ets
in ’n glinster sterre prag
as my skilderkwas
deur towerstaf-beloftes dans
ek gee die wens
van my reënboog hart,
ek gee vir jou
die leë spasies
om ’n nuwe storie
in duet saam met my te skryf
vat my hart
stap saam met my
om saam hierdie sprokie
ons realiteit te maak
kom droom saam met my
as ek my alles
voor jou voete lê.
BennyB
27/02/2012 © Barend Booysen
for Janet
Last edited by BennyB on Fri 09 Mar 2012, 7:08 pm; edited 1 time in total