Karoo

daar waar
die pad te lank is
waai die wind
die kargrafte toe
met sand, die sand, die sand
oer-sand fyngemaal in die see
en met fyn stof, soos spoke, wat deeltjies bevat
van diere en mense en skulpe en dino-bene en plante
maar skoon, so skoon, so skoon
asof met ingeboude antihistamien

hoe kan enige stoflike stadige mens
sulke wye oop spasies verdien

stil in die nag
haal die klowe asem
maar daar
en op die heuwels in die dag na die reën
verander veld-tuin se rotstuin in voortuin
so ver as wat ʼn mens maar kan sien




© Torm (herskryf: 2011)

Ek het so paar keer die jaar die Vrystaatse vlaktes verruil vir 'n toer deur die Karoo en hierdie gedig is die mooiste gedig wat ek nog gelees het.

Goeie genade, Melanie jy laat 'n ou man bloos. Maar baie dankie .

Dit is werklik pragtig. Sterkte vir die kompetisie, jy het my vote ook.

Baie dankie Claira Summers * maak kniebuiding * ek waardeer!

Soos 'n edelgesteente tussen die Karoo klippertjies en dorre grond. I like.

Baie dankie S.J. du Plessis , ek waardeer dit.

Baie dankie vir al die stemme. Hierdie is eintlik my persoonlike gunsteling uit die gedigte wat ek ingeskryf het.

damn dude...88 Likes....dit wil gedoen wees....jyt duidelik baie aanhangers..en aanhangers wat wel hulle stem uitbring.
Great stuff.

Karoo is nie eens derde nie, Rudi. Gaan kyk na 'Futiliteit' en 'Kersfees-lief'. Ek het hard probeer maar nie hard genoeg nie. Ek dink Karoo is dalk vyfde of sesde.