Oomblik vir altyd ( 16 )

Die sterre-kooltjies
vuur en smeul
teen die donker uitspansel
van die misterieuse nag

en ek is oorbewus
van jou nabyheid
van jou warmte
van jou reuk
van jou asemhaling
en van my hart
se opgewonde vinnige
geïnteresseerde klop .

ñ Ster verskiet
en voordat ek kan wens
leun jy sag
teen my aan
met jou kop
teen my skouer
en die reuk
van jou hare
in my neus .

Ek hou jou
versigtig vas

bang dat ek
sal breek .


( 28/12/2009 11h51 )

Die antitese in die titel val my steeds op (na vele volumes) en hier sluit dit netjies aan by die slotvers - die ander ene word versigtig vasgehou omdat JY breekbaar is.

hi Torm.
Baie dankie.
Jou response beteken baie vir my.