Ek skryf vir jou...

ek skryf vir jou
want praat kan ek nie
in jou teenwoordigheid
is ek stom
kan ek nie reageer
op wat om te sê
kan ek nie konsentreer…

ek skryf vir jou
want luister kan ek nie
in jou teenwoordigheid
is ek doof
kan ek nie hoor
neem ek niks in
jy’s te besig om my te bekoor…

ek skryf vir jou
want dink kan ek nie
in jou teenwoordigheid
is ek dom
maak niks sin
nie by volle bewussyn
as jy maar weet hoe ek jou bemin…

ek skryf vir jou
want ek hoop jy verstaan
wat staan tussen lyne
wat ek vir jou probeer vertel
ek skryf vir jou
en kan dit nie vir jou sê
my stem laat my in die steek
…dis jy wat ek vir ewig en altyd wil hê…

04-02-2011