Spore

Afrdraaipaadjies kruis en dwars
voetpaadjies deur my hart gestap
stilhouplekkies waar jy vuur
gemaak het in my lyf
ek in die hitte van jou gloed
myself en my hart verloor het
nou lê my spore is die as

as spore kon verlei
jou kon weglei van jouself
sou ek my voete in daardie
spore wou vind waar ek
kan vergeet van gister
selfs vandag se seer daar
wou laat agterbly

daar in die voetpaadjie
stof getrap dwars deur
my afdraaipaadjie hart
waar onthou oomblikke
langs die pad staan
soos padpredikante
op wag vir more se lag

hul eggo's hol klanke
in spore na jou gestap
myle se ure van onthou
waar ek my langs hierdie
pad na jou hart kry
my spore die tekens
dat ek daar in jou was

lê die spore van verlang
jou arms om my gevou
ook in jou hart as jy die
pad van onthou vat
ken jy elke klip en baken
langs hierdie wrede pad
waarop die noodlot ons vat.