Blik aspaai speel

Tree vir tree
vorder ons darem
wanneer ons blik aspaai speel
met wawiel arms
heen en weer swaai
rond en bond draai
vergesel my na die land
van kind wees my skat
waar ons dag na dag
huis-huis speel soms lag
wegkruipertjie aan is
in die geraamte kas
saam in ons sorge
die trein verpas
wanneer dit donker word
in die tuin van verraad
sal ek jou saggies inpak
in my boks tas jou saamvat
na die land waar ons droom
waar ons saam is vir altyd
en niemand ons deurboor
met die dolk van die lewe
die vuur van die nood
wanneer ons pop speel
met lewens wat wag vir die dood
die klein lappies vreugde
wat Hy ons net leen
Vader dan vra ons
U daaglikse seën