Vanaand, as jy my soek...

Wag ek vir jou by ons boom
met dagboek sit ek en droom
maanlig glinster op die rivier
onthou ons twee se kindertyd hier
chappies en briefies in die sakke
wind waai ritselend deur die takke
veel later stil in mekaar se oë getuur
liefdeseine hartlangs oormekaar gestuur
hande saggies vasgehou, vir my gefluister
in ongeloof die woorde ingeneem, geluister
ons liefde verseël, daar innig oopgevou
harte wildbonsend mekaar styf vasgehou
so bang die oomblik verdwyn in die nag
so ver om die volgende dag in te wag
het liefde gebloei, soveel jare gebly
elkedag valentynsdag vir jou en my.
2012/02/14 Joan