Ek wou vir jou die maan gaan pluk

Wou vir jou die maan gaan pluk
daar waar sterre groei aan bome
wou vir jou n sonstraal vang
en bere erens in my drome
as jy weer daar kom inloer
wil ek jou nader tou
in my slierte arms
jou vir altyd hou

Wou vir jou die wolke bymekaar hark
daar waar die wind en reen ontmoet
wou net vir jou die see op skep
sonder dat iemand iets vermoed
as jy weer verby trippel onverhoeds
wil ek jou stewig vasketting
tot net ek en jy in ons self vernou
met my speletjie siel
jou in my toevou

Wou vir jou die vlamme steel
daar anderkant die berg
wou net vir jou n doudruppel verf
in reenboog kleur verberg
ek wou jou betower
oorval en verruk
met my versteekte lag
jou teen my hart aandruk

mal oor die eerste 4 reels van elke strofe.
dis besonders.en uitstekend neergepen.
die res van die gedig pla woordoorde hier en daar....en is dit of elke strofe bq uitrafel na die eerste 4 reels.en doen dit nie die eerste 4 reels van elke strofe justice nie.
let ook op op jou spelling hier en daar.

Dit pla my ook!! Sal nog bietjie skaaf aan die een. Dankie baie jy.

Dankie Rudi, het bietjie gaan skaaf in die nuwe jaar, aan ou gunstelinge met probleempies.

Ek dink dis pragtig.
Die wooord wou laat die vraag van wat het toe eintlik gebeur in die plek daarvan. Maar ek dink dis seker wat jy wou doen, om die vraag onbeantwoord te laat. Met ander woorde dis effens hartseer, want jy sou nie die vraag onbeantwoord gelaat het as dit gebeur het soos jy wou nie.

Dankie vir die lees en kommentaar Torm. En ja dit het nie, "The sadness of life personified" Ironies maar ja. Dankie weereens hoor.