Jy lê op jou sy
op ñ reuse blaar
deur die wind sag
aan die slaap gesus
en ek verwonder my
aan jou altyd-lag
wat nou vreedsaam rus
in vrede-plooitjies
om jou mond om jou oë .
Suutjies seil ek op my maag
saggies tot by jou
om die pragtige voortjies
vlinder-vinger-versigtig
liefdevol te skets .
Ek voel hoe jou
sonwarm-vel
die lig
in my oë laat ontwaak
vreugde in my binneste
laat opwel
die vuur
in my hart aansteek
en my siel diep aanraak .
Feëtjievrou , in hierdie uur
wat stilstaan
vir jou en my
in ons Sprokieswoud
besef ek weereens –
by jou het ek my plekkie
in die son gekry .
( 31/12/2011 18h06 )
op ñ reuse blaar
deur die wind sag
aan die slaap gesus
en ek verwonder my
aan jou altyd-lag
wat nou vreedsaam rus
in vrede-plooitjies
om jou mond om jou oë .
Suutjies seil ek op my maag
saggies tot by jou
om die pragtige voortjies
vlinder-vinger-versigtig
liefdevol te skets .
Ek voel hoe jou
sonwarm-vel
die lig
in my oë laat ontwaak
vreugde in my binneste
laat opwel
die vuur
in my hart aansteek
en my siel diep aanraak .
Feëtjievrou , in hierdie uur
wat stilstaan
vir jou en my
in ons Sprokieswoud
besef ek weereens –
by jou het ek my plekkie
in die son gekry .
( 31/12/2011 18h06 )
