'n bakhand vol sterreprag
in 'n bodemlose nag
waar ek jou stukkend mis tussen gisterlag
en môre se verskroeide hoop
droog my hande aan sagte moeselien
en kyk hoe die enamel waskom leegloop
terwyl my gedagtes blikaspaai
by jou
ek verlang,
sukkel om gate toe te stop
wat oopval soos ek struikel oor
jou skaduwees en fronse
weeg jou nabyheid in pennies en ponde,
voel armoede kleef aan lyntjies
in my hande wat wandelpaaie oopkloof
reguit na jou toe
toe gaslampe doof en donker spoke dans
tussen grondseil en tent,
kies ek 'n volkleur droom vol van jou,
snoes dit in my slaapsak
en verbeel my dis jou hand
wat slaapwarm sluimer teen my bors.
© 2010 Almarie Truter
in 'n bodemlose nag
waar ek jou stukkend mis tussen gisterlag
en môre se verskroeide hoop
droog my hande aan sagte moeselien
en kyk hoe die enamel waskom leegloop
terwyl my gedagtes blikaspaai
by jou
ek verlang,
sukkel om gate toe te stop
wat oopval soos ek struikel oor
jou skaduwees en fronse
weeg jou nabyheid in pennies en ponde,
voel armoede kleef aan lyntjies
in my hande wat wandelpaaie oopkloof
reguit na jou toe
toe gaslampe doof en donker spoke dans
tussen grondseil en tent,
kies ek 'n volkleur droom vol van jou,
snoes dit in my slaapsak
en verbeel my dis jou hand
wat slaapwarm sluimer teen my bors.
© 2010 Almarie Truter
