Kort na middernag

Hy braak 'n jammer oor haar sku hoekom
en van die tafel tot die vloer
val 'n kortaf aalmoes-krummel suur

Gloeiend rooi die veragting sluier
oor oë starend uit skadus teen die muur
geduldig gewag vir die laaste lag

Weggesteekte voetpad gelei tot hier
tot by die bakhuis van gesteelde tyd
honger drif versmoor in laaste as

Skrefies lig lok deur 'n verweerde deur
haar vlerke gesprei in sonlig vry
dit was, dit is, dis water onder die brug

Elmi ©

Hou hiervan.
veral ook jou slot.
(die gedig se matter'of/fact/kliniese -way pla my biekie...maar dalk pas dit juis by die boodskap/prentjie...)

Hi daar Elmi,

Waar val jy nou eers uit. Jy moes al lankal op FS gewees het met werk soos die. Jou vers is deurspek met die wonderlikste woordspel en beeldspraak gevolg deur n meesterlike ontknoping. Ek vir een wil jou graag verwelkom en hoop dat ons nog baie meer sulke goeie werk van jou sal sien en geniet.

Benewens die feit dat ek gaande is oor die vers hou ek ook van die feit dat jy my dogter se naam ELMI deel. :-)

SWERWER

'n Insident wat betekenisvol juis na middernag beskryf word. Dit was interessant.

ekskuus julle! my kop is nie altyd aan my lyf vas nie, en ek het nou eers gesien dat daar kommentare op my werk is. Baie dankie )