net na middernag

jy bel my laat een saterdag
my horlosie wys na middernag
iets om met my te deel sê jy sag
en nee dit kan nie wag

ek hoor jou woorde die eerste keer
en verstom vra ek, sê weer?
jy’t skielik besef ek bied iets meer
na jare van jou eie seer

jou woorde se diepte maak my stil
ek wonder of ek ook sal wil
soek self al ‘n leeftyd om die leemte te vul
tyd het my in ‘n vreemdheid gehul

is jy seker vra ek gou
ja, verseker, ek is lief vir jou
en so, sonder dat ek rêrig wou
word ek volkome vrou

08/11/2007

welkom in ons midde met so n prag stuk ! bly jy is hier jou teenwoordigheid verryk my wereld

Dankie!! Voel geeerd in julle midde..x

Wow...staan ek ook asemloos...niks soos liefde om 'n vrou weer volkome te maak nie en jy pen dit hier so teer en mooi.....laat die leemte daarvan in my lewe fel teen my slaan....