Herfs is wanneer blare swerf
en soos sonne op die lui herfsaarde sterf,
maar saam met dood kom ook altyd lewe -
die plan is ver bokant smart verhewe.
Dit is die beperktheid van die lig wat aan
winter my die ergste vang en my moed betig -
die winterwind waai die karige skrefies sonlig
dwarsdeur Hitchcock takke tot anderkant die koue maan.
My lief is die eerste lentereën
die wolk majesteit se gulde seën.
Wit soos wolk sketse is dit teen die blou
voor kleurkwas liefde vloei oor doeke van jou.
Lug-spoke dans daar op die dak,
dans-dans op elke stukkie sink en teer -
gaap-gaap kraaie, trap-trap miere tot die somerson sak,
en tot Herfs ons red, brand ons more weer.
© Torm 2011 (Uit: Kwatryne)
en soos sonne op die lui herfsaarde sterf,
maar saam met dood kom ook altyd lewe -
die plan is ver bokant smart verhewe.
Dit is die beperktheid van die lig wat aan
winter my die ergste vang en my moed betig -
die winterwind waai die karige skrefies sonlig
dwarsdeur Hitchcock takke tot anderkant die koue maan.
My lief is die eerste lentereën
die wolk majesteit se gulde seën.
Wit soos wolk sketse is dit teen die blou
voor kleurkwas liefde vloei oor doeke van jou.
Lug-spoke dans daar op die dak,
dans-dans op elke stukkie sink en teer -
gaap-gaap kraaie, trap-trap miere tot die somerson sak,
en tot Herfs ons red, brand ons more weer.
© Torm 2011 (Uit: Kwatryne)
