Herfs
Herfs is wanneer blare swerf
en op die lui herfsaarde sterf,
maar saam met dood kom ook altyd lewe -
die plan is ver bokant smart verhewe.
Winter
Dit is die beperktheid van die lig wat aan
die winter my die ergste vang en my moed betig -
die winterwind waai die karige skerfies sonlig
dwarsdeur Hitchcock takke tot anderkant die koue maan.
Lente
My lief is die eerste lentereën
en die wolk majesteit se gulde seën.
Wit soos wolk sketse is dit teen die blou
voor kleurkwas liefde vloei oor doeke van jou.
Somer
Lug-spoke dans daar op die dak,
dans-dans op elke stukkie sink en teer -
gaap-gaap kraaie, trap-trap miere tot die son sak,
en tot Herfs ons red, brand ons more weer.
© Torm 2011