Eendag, as ek groot is...

jy het gesê:
eendag, as ek groot is, gaan ons op die strand loop
daar by die see, gaan jy vir ons 'n huisie koop
in die koel water , ons warm lywe doop
eendag, as ek groot is...

jy het belowe:
eendag, as ek groot is, gaan jy met my trou
is ek ewig en altyd die enigste een vir jou
lag ek blinkoog in my mou, liefde het ontvou
vir my en jou...eendag, as ek groot is

geluk het gekom
daardie eendag, as ek groot is, het toe geblom
daar was nou drie van ons in een plus een som
jou liefde het my elkedag meer en meer verstom
vreugde is...eendag, as ek groot is

eendag...as ek groot is
toe tuimel ons kasteel, breek die duiwel los
ons liefde het bly staan, al het dit ons gekos
sal jou altyd en ewig liefhê, sê ek met 'n blos
eendag...eendag, as ek groot is
bly jou liefde my trots.

2011/09/11 Joan Lotz