Want wel Baby , dooie mense kom nie ( 2 )

Ek wil saggies
met my warm asem
oor jou hele lyfie blaas
( van toon tot nek tot oor )

want baby , wraggies -
jy het my gejinx
jy het my getoor

en iewers tussen kom
en tussen gaan
het ek my hart
op jou verloor .

Baby , al wat tussen jou
en my staan
is niks

en hier
en nou
in hierdie seisoen
waarin ons behoeftes
waarin ons drome
saam bewaarheid is
en ons lewens
se kronkel-paaie
nou so mooi bymekaar kom
en saam krom

groei die kosmos geil
al langs jou en my
se toekomspad .


( 15/11/2011 17h26 )