Vesting vir ego woorde (Duet)

Tussen vrye-vers lanings
en boorde van prosa
hoor ek my ego
in ander se woorde
siele wat soek
en tuis kom ten laas (a)

bot die bloeisels
bloei die taal
en wys die
binnekant se holtes
word die vrug verwoord
van elkeen se kruis (b)

anker ons wortels
in lente se geur
en winter ryp
- word vers en rym
stille getuie
van vele seisoene (a)

gee ons
self revolusie
besieling
vir die wat weet
- ’n vesting -
tot genesing (b)

‘n plek om waarlik
eg te wees,
deur
ritme
en
rym van
bloed en vlees (a)

laat dit ons vry
en laat ons vreesloos
siele wand
en
kinderhart
in medeskrywer’s hand (b)

(c) 23.04.2011
Bobette Smit (Bruwer) & Rudi Prinsloo (anderkant)
Alle regte voorbehou / All rights reserved

besondere eenheid in julle werk puik voorwaar

Dit was vir my 'n eer en voorreg om saam met Bobette te kon skryf. Sy is 'n unieke mens en ek het ongelooflike respek vir haar. Dit is 'n voorreg om haar as 'n vriend te mag reken ek ek weet sy sal ook dankbaar wees oor jou kommentaar.

werklik `n besonderse vers van begrip en vriendskap : " eg te wees deur ritme en rym " spreek diep

Hi Anderkant,

Dis weer lekker om jou werk weer te sien en nogal met n besonderse duet. Ek hou baie daarvan omdat dit vir my die vreugde wat ek uit skryf put pragtig verteenwoordig. Ek kyk uit vir nog e veral ook van Bobette se kant af. Ek weet nie of jy Bobette al hier by ons ingeburger is nie maar as jy nog nie is nie wil ek net se dat dit baie lekker sal wees om jou hier by ons te verwelkom. Dankie vir jou deel aan hierdie vers.

SWERWER

Ek werk tans aan Bobette se deelname. Hou duime vas.

Dis briljant verwoord...laat my beslis bewus word waarom ek hier is...soos tuis wees in woorde!

Sjoe, u kommentaar eer my en laat my tone krul van lekkerkry. Dit is waaroor Freestyle gaan, 'n woord paradys tussen mense en siele wat waarlik voel en omgee.

regtig pragtig verwoord en skep 'n sagte atmosfeer...regtig mooi, welgedaan Bobette en Anderkant

Jinne mense - en veral jy Rudi! Waardering en nederige dankbaarheid vir jul woorde.
Eersdaags kom los ek weer 'n stukkie van my siel hier.

Sy's hier!!!!!!!! Julle gesien, nou gaan ons eers lekker kuier. Ek kan nie wag vir daardie "stukkie siel" nie Bobette.