Afrika

regimentloos verdring hulle die knusse vrede
van dié konstitusie
waarvoor bloed gevloei
en kinders gesterf het,
én bly leef het,
in Langa en elders.

wedersyds pleeg ons voort
en niemand wat saak maak
hoor die kinders smeek nie.

stééds sterf hulle
en stééds bly hulle leef,
op plase en elders.

‘n honderd jaar word dertig,
die son sal sak en die son sal opkom;
watter volk sal dán
sy bloedoffers bring?

© (10.08.2011) Rudi Prinsloo
Alle regte voorbehou / All rights reserved

sjoe, dit is die waarheid, en die volk ploeter aan.Vloei is so sinoniem met die aanhou in die gedig

tydloos verander als terwyl niks verander ! puik jy trek die gedagtes brilliant saam hier

jip, die winde van verandering waai Suid. Dankie vir julle lees en voetspoortjies.