Ons storie

Terwyl die lewe verbyjaag
En die dood vir elke een wag
Terwyl die son sy weg oor die aardbol baan
Terwyl die duiwel vir ons almal lag

Draai ek om en om in my kop
Die gedagtes wil net nie stop
Dink ek aan jou
En aan my
En ons storie wat aanhou en uithou

Sodra die besigheid optel
Sodra die spaargeld genoeg is
Sodra ons ‘n plaas kan bestel
Sodra ons minder moeg is

Draai die gedagtes om en om
Word ek moeg van wag en glo en hoop
Dink ek aan jou
En aan my
En ons storie wat aanhou en uithou

Ouch ! Hierdie voel soos 'n dolksteek in die hart ! Die hoop wat kwyn en die nimmereindigende wroeg deur alledaagse aanslag wat sy tol eis op 'n verhouding ! Goeie werk !

hou hiervan.
jyt die prentjie goed verwoord.
(psst: moet net nie elke reel met n hoodletter begin nie..jy kan bv die eerste strofe begin met een .en dan daarna net strofes na n ( . )/punt

goed gedoen.
skryf nou maar meer.