Ek val steeds

Eers vat jy my
op ʼn journey
deur die gerepte valleie
van jou siel

laat jy my drink
uit die fonteine van jou being .

Ken ek jou
lank voor ek jou gesien het
en weet ek gou
jy is diè een .

Ja,ek het elke woord
van jou ongepubliseerde hartsbiografiè gelees
wat jy met onwillige bewende hand
met deurskynende ink
in sierskrif geskryf het
teen die twyfelmure
van jou binneste

en agter die dof
van jou ongesiene oë
buite sig van even jouself
het ek geweet
is daar die mooiste blink wat wag

en iewers agter die donker wolke
van jou donker nag
het ek gesien
is daar ʼn volmaan wat wag .

En kon ek ook die flikkervlam
van hoop sien brand
diep in die skag
van jou liefde

daardie vlam van jou
het ek onweerstaanbaar gevind
en sonder koplamp
en sonder tou
het ek teen die nat gladde wande
begin afklim
tot waar jou flikkervlam
al hoe helderder
begin brand het
en ek die hitte
daarvan gevoel het .

Vir ʼn oomblik het ek ontspan
my oë gesluit
sodat die hitte van jou flikkervlam
die koue uit my seer
bebloede vingers kon verdryf

dis toe dat ek my grip verloor
en regaf val
naarstiglik grypend
soekend
na vashouplek .

Ek v
a
l
steeds

w
e
g

weg van jou flikkervlam.



( 06/12/2007 00h17 )