Flenters (Rudi se dig-daging)

Flenter-foto’s
skerf
deur my gedagtes
kerf
ou scars
weer oop
wat soos bloed
teen my lyf afloop.

Flenter-wasgoed
op my werf
wapper droomverlore
wyl ek skerf vir skerf
ou potte
heel plak, heel verlore
wyl water en sout
soos bloed
langs my wange loop
en later soos die finale Madame
teen my nek blink.

Flenter-geboue
kerf
die kim in my land
swerf
langs flenter-paaie,
en olie-swart is die strand
waar eens sandkastele
en Josefskleed sambrele
my bekoor het
maar ek dwing liefs my oë oop na hierdie werklikheid
want hy wat na die toekoms staar, sterf
te veel in die hede
en hy wat te veel in die verlede
kiekies delf
vind dalk ʼn kortpad wat
eerder moes gebly het.

Torm 2011
(Die eerste strofe is grotendeels deur Rudi Coetzer geskryf.)

Jy het al die flenters goed saam gevat. Ek hou veral van flenter-geboue swerf langs flenter-paaie.

damn!....m*&r my om met n volstruisveer!


Jou slotstrofe is fenominaal....
een van die beste strofes wat ek al ooit my oe opgele het.
well done

Aag baie dankie manne.

Ek wil om een of ander daardie mannetjie met sy LOL-vlaggie petrol gooi en aan die brand steek, en hoor hoe hy met sy smurf-stemmetjie gil.

sies man..daai is n happy manntjie..happy oor jy delegeneem het..en dan boonop so goeie gedig met n manjifieke slot geskryf het.
Jy behoort saam daai mannetjie jou vlag van trots te swaai.

Petrol
Shwooosh

My donker kant is hier; sal mannetjies met vlaggies weer onrealistiese tjoklits met Kersfees hoedjies op voer by 'n dig-atlas gedig of so iets. Ek skryf maar net, trots niks nie behalwe trotseer.

Puik gedoen Torm. Ek sal liefs nie die mannetjie met die LOL vlaggie bysit nie!!!

Baie dankie Claire.
Is daar dan nog van daai mannetjies oor?

Petrol.
Shwoosh!