Ma'at

Ek hoor depressie is 'n siekte,
ís, die dokters sê so;
maklike diagnose
vir stilstuipe,
woede-buie,
weghol-trane,
ophou eet, aanhou eet,
vir opgee en oorgee en toegee
aan onbeheerste vorme van self-leed.

Ek hoor mens
kry pille daarvoor,
ís, almal drink dit deesdae;
ek ook,
elke dag,
en ons wag,
dae en ure aaneen
vir die gebottelde wonders
om reseptore te blok en her-rangeer,
oor te neem en nuwe lig te bring in die donker.

Maak dan maar
dié verskoning,
kry jou dokter om te beaam,
sluk jou pilletjies getrou
en koggel in jou mou.

Ek wéét
hoe lyk die duiwel
en ken sy donkernag gejuig;
ek wéét wie por jou aan
wyl jy my hart se soom
met jou stompste skêr
bietjie vir bietjie,
stelselmatig,
losryg.

© 16.05.2011 Rudi Prinsloo
Alle regte voorbehou / All rights reserved

hierdie werk my getref die eerste keer ek dit lees en steeds kan dit my pootjie, so tot binne my spreek,.. Ma'at sal hierdie hart nie te swaar vind, iemand wat soveel voel inderdaad het hart ligter as n veer

jip maar ek willie my pilletjies drink nie...slaap beter hehehehe

ek stem saam - slaap is beter terapie, maar dan slaap mens in die dag en sit wakker in die nag - dan begin dinge EERS lol. Ek sluk maar my pilletjies en fake die res.

lag!!! fake it till you make it!!

maklik ek slaap dag en nag

Nee dankie, donkernag wil ek eerder slaap. Die dinge wat my in die dag treiter kan ek nog soort van hanteer.

mal hieroor.
Veral strofe een is besonders.en perfek.
Jy hele styl en way hier werk net...
so lekker geselsgedig oor n erenstige saak.
Goed gedoen.

Dankie Rudi.