dieretuin

dis haar lente-maand;
sy het Sy geword
en haar lende is
máár smagtend

dier se natuur;
dit pronk en dit speel -
lokaas haar lyf,
al ritsend in die rondte
tot sy weerstand verskuif

met koorsagtige,
dierlike,
hondsdol intent
bestyg hy die lug

elke enk'le spier,
gereed om te klou,
grou en selfs byt as dit moet
om sy lyn voort te bou.

anti-natuur,
- bevlek al dan nie,
beskou ek die
mens
en klim eerder nie. …


© (14.05.2011) Rudi Prinsloo
Alle regte voorbehou / All rights reserved

sedelik gesproke beslis betwisbaar , maar moreelgesproke het jy met die vers `n hoogte geskets wat aan die engele behoort! Ek is beindruk met jou beelde en duidelike sin-lyn

Dankie Fafnir, jou kommentaar is waardevol en verhef die vers. Ek is nogmaals klein en nederig voor julle ongelooflike ondersteuning en aanmoediging. Dankie daarvoor.

ek dink die antopoloë sou dit eerder 'sinergie' noem !?

Inderdaad. Nogmaals dankie.

........... besondere beeld,.. maar gee meer as net die beeld,.. mens is tog maar dier

Thoughtful stuff