Me ai di ázeis*

Al-ek-ZAN-der;
verdediger, vegter,
waaragtige kind van jou
god,
saad én instink van Philip II
bepaal die seun se lot

inkubus? sukkubus?
néé!
jy het daglig gekies
om jou offer te vang;
onskuld en eer
te verslind in jou drang

Pausanias se toorn
het jou voorsaat onttroon;
tog
beproef jy die lot!
word ék jou Persië
en lê ek kaal
voor jou god

Aristotel die wysheer
het van
voordeel geleer
om my liggaam
en siel
met jou saad te
besmeer

Alexander, die Grote

die grootsheid van my walging
oortref jou naam!

© (19.04.2011) Rudi Prinsloo
Alle regte voorbehou / All rights reserved


* Me ai di ázeis – fonetiese
uitspraak van “Με αηδιάζεις” –
Griekse vertaling van
“Jy walg my”

jy spreek duidelik .... tog weet ek nie of alle skuld hom toekom nie. Soms is dit die geskiedkundige trek-en-stootkragte wat een te veel is vir die "toevallige" anti/held. Wel op `n heel ander vlak , maar bv Calvyn walg my eweneens vir sy bloeddorstige heerskappy van Geneve , sy amper macchiavelliese magsjagsheid onder die Kruis ...

is magsbehep heid dan tog nie vele wesenlike heerser in antieke geskiedenis se ondergang? Rudi hierdie stuk getuig vanq sorgvuldige naslaan werk, van besondere aanvoeling vir die gees van die antieke tyd en ook van die kennis van 'n kryger,.. ek hou van die aanslag van die werkstukke ek deesdae hier lees dit gaan vir my oor na besonderse kwaliteit!

Dit is 'n voorreg wanneer 'n ingeligte en geoefende oog oor my verse gly: Fafnir en Ronel, julle insig is treffend en julle insette waardevol. Met hierdie vers gaan ek my eie motivering by die skryf daarvan weerhou - ek dink dit is gepas. Nogtans, baie dankie vir julle deurdagte kommentaar, ek staan nederig en klein en soos altyd innig dankbaar.