jy wriemel jou ligvoets
en gig’lend reguit verby
my skanse, kamma
doof vir my protes
en helle-beswaar.
jou oë soek ewe kamma
in elke donker hoek
na goggas en goete
wyl jy eintlik net
wag dat my koors
my moed en wil verbysteek.
ek voel hoe sypel
alle weerstand,
elke voorbehoude bietjie
glibberig deur my vingers,
reguit maan toe…
waar sy vanaand volblos
aan haar hemelsoom hang
verslaan, verlig,
laat jy my opnuut, alwéér,
na jou tong-tippie-toets
teen my weerstandige koors verlang,
verslaan, verlig,
bring jy my aan die voete
van jou tere liefde neer.
aan jou voete kyk ek op
en verwonder my weer, soos laas,
aan die maanblos wat om jou
gesiggie glimmer en jou laat straal,
soos dit hoort, my engel
© (Junie 2011) Rudi Prinsloo
Alle regte voorbehou / All rights reserved
en gig’lend reguit verby
my skanse, kamma
doof vir my protes
en helle-beswaar.
jou oë soek ewe kamma
in elke donker hoek
na goggas en goete
wyl jy eintlik net
wag dat my koors
my moed en wil verbysteek.
ek voel hoe sypel
alle weerstand,
elke voorbehoude bietjie
glibberig deur my vingers,
reguit maan toe…
waar sy vanaand volblos
aan haar hemelsoom hang
verslaan, verlig,
laat jy my opnuut, alwéér,
na jou tong-tippie-toets
teen my weerstandige koors verlang,
verslaan, verlig,
bring jy my aan die voete
van jou tere liefde neer.
aan jou voete kyk ek op
en verwonder my weer, soos laas,
aan die maanblos wat om jou
gesiggie glimmer en jou laat straal,
soos dit hoort, my engel
© (Junie 2011) Rudi Prinsloo
Alle regte voorbehou / All rights reserved