Nostredame

as jy lank genoeg staar
in die poel van 'n spieël
waarop waas van 'n warm
oggend-stort haarself nog
swewend, druppelsgewys ontklee

vind jy dalk 'n waarsêersloon
in die drogbeelde wat daar hang
en met gesplete tong
jou denke verken;
jy wil tog weet, dan nie?

so staar jy dan
totdat jou ander-self
iets van jouself herken;

so staar jy dan
totdat jou ander-self
die sin van die beelde érken;

so staar jy dan
totdat jou ander-self
omdraai en dit opnuut wil óntken;

as jy lank genoeg staar
is jou waarsêersloon dalk slegs
'n voorbode

van onvervulde drome.

© (2011) Rudi Prinsloo
Alle regte voorbehou / All rights reserved

hierdie werk moet ek weer kom lees maar voorlopig begryp ek hier die realiteit om jou versteekte jy vol in wese te sien en te begryp, dan eers kan self aanvaarding werklik plaasving,... but getting back to you on this one

Goeie introspeksie in die stort. As ons land se mense dit maar net meer eerlik wou doen...

dankie Ronel en Torm, ek waardeer julle bydra hierby.

vandat ek die eerste keer die vers gelees het is daar n gedeelte van n lied in my mind "the face in the mirror" en ek kan nie die lied of die res onthou ek weet net n vrou het dit gesing en dit pas om een of ander rede hier!

Ronel Holtzhauzen , die famous mirror liedjie is natuurlik Michael Jackson se "Man in the mirror" (ook oor introspeksie, baie soos hierdie gedig) maar my favourite is Chris Isaak se "Shadows in a mirror".

sal my huiswerk gaan doen en terug kom na jou Torm

Huiswerk? 'Seblief netnie somme oorie naweek nie juffrou...

Interessante gesprek wat julle voer. Ek het gedink dat MJ se Man in the mirror eerste by mense sou opkom en dit is ook gepas. Chris Isaak se liedjie pas nie vir my werklik binne die ruimte waarin ek dit gebruik het nie. Hoewel dit nie in my musiek-smaak val nie, het ek hierdie vers losweg verwerk vanaf Mirror - Lil Wayne en Bruno Mars. Daar is 'n instrumentale weergawe wat ek geniet - gaan lees egter die lirieke as julle daarna voel. Groete en dankie vir julle deelname.

Anderkant - Ek staan klein voor jou - hierdie is n "diep and dink" gedig - ek hou so baie van dit en weet dat ek gaan nog baie keer kom lees - daar is baie (ag nou kry ek nie die Afrikaans se woord ) "levels" en gaan elke een besoek!

Ronel - as jy verwys na Jana Kask se Face in the mirror dan het ek net een antwoord: WOW! Julia - jy eer my met jou kommentaar. Dankie uit die diepte van my hart.

Dagse Anderkant,

Kan dit wees dat jy erkenning gee dat ons veskillende maskers selfs binne ons ronddra, elk met hul eie drome en waansin en dan jou eie persoon wat die werklikheid en realiteit moet sif. Die besef van n onvervulde droom kan seker net so seer wees soos n ontroue minnaar want ons koester daardie drome!

n Pragtige stuk werk wat my dit oor en oor laat lees het. Dankie!

SWERWER

Swerwer - ek staan stom voor jou kommentaar. Dankie, dit is 'n voorreg dat jy so ernstig na die vers gekyk het.

My goeie vriend, en hier staan ek weereens aan die voetstuk van een van jou geskrewe werke en herken ek die mens (in universele konteks) en meer nog myself, in die wasempêrels van hierdie spieël....Jou woord-kundigheid in die neerpen van hierdie innerlike 'ontleding' en konfrontering en herkenning (selfs verskuilde versugtinge), vertoon beslis jou vermoë as skrywer, sowel as konstante 'selfondersoeker' in hierdie maskerade (soos tereg uitgewys deur Swerwer) van menswees !

Hier, 'n pouveer vir jou !

Hlo Anderkant

Jy laat selferkenning deur al die fases daarvan opnuut n weerklank vind by die leser wat So graag vergeet om die vlakke van bestaan dieper te ondersoek op n gereelde basis. Of mens hou van wat mens sien deur die wasem beeld In die spieel,en wat jy ontdek is n personlike ondervinding. Die wasem behou n mate van misterie vir my. Diep werk.

Ammie en Claira - opreg dankie.

My vriend, my vriend....die hunkering van die "ander-self" - hoe ken en herken ek dit hier in jou vers......
Pragtig gedoen...

jy eer my, dankie.

ek hou van hoe jy tewerk gaan met "die alter-ego" in jou stuk...ek verstaan en ek lees jou en dit maak dat ek telkemale sal terug kom om weer te lees

dit is 'n baie groot kompliment Enid, ek is nie 'n kenner nie, inteendeel is my aanbiedinge meestal heel eenvoudig - die wonder lê vir my daarin wanneer ander mense saam met my iets daaruit kan neem. Dankie vir jou erkenning.