die verval, die ewige verval
die brokkelrige broos van bewaarde hande
wat donsveerstreel oor jare en eeue
se versteekte geheimenisleer
die onwillekeurige tuimel van 'n loodswaar traan
die oorvol opgekropte ween oor kinders
sonder ledemate of name
die struikel-loop oor 'n blou blou berg
se toiingrige soom,
van droom oor ou verby se tinteling
dan kyk ek op na 'n spieëlmaker se krake
en wonder
sou ek met waardigheid die kringloop kon voltooi
na 'n onbekende weer-begin ?
© 2011 Almarie Truter
die brokkelrige broos van bewaarde hande
wat donsveerstreel oor jare en eeue
se versteekte geheimenisleer
die onwillekeurige tuimel van 'n loodswaar traan
die oorvol opgekropte ween oor kinders
sonder ledemate of name
die struikel-loop oor 'n blou blou berg
se toiingrige soom,
van droom oor ou verby se tinteling
dan kyk ek op na 'n spieëlmaker se krake
en wonder
sou ek met waardigheid die kringloop kon voltooi
na 'n onbekende weer-begin ?
© 2011 Almarie Truter