Mag ek vra ?

Wag, stop net vir ’n oomblik
hier moet ek krap
hier in die duister
van my swarte hart.

iewers hier binne
kook skarlaken
van my hart se seer
waar ego's my nagte
in koorsang ril.

mag ek vra
hier tussen die bloed en pyn
van my hart se kamers
en gedroogde roos doringtakke
se haak en steek -

mag ek krap,
die rooi sweer van my hart
wil bars -
mag ek vra
in skarlaken teer

ek belowe
ek sal stil
soetjies stil en kalm raak
net miskien
in donker wegraak

mag ek vra
vir een laaste keer
asseblief een laaste keer
hoekom het liefde
my hart verraai
net ‘’n laaste keer
sal jy dalk kan antwoord gee?

BennyB
© 13/09/2011 Barend Booysen

ek sak my kop,.. hoe kan jy my gedagtes in soveel kuns verwoord?
jy krap raak vanaand blixem baas ! eina

Asemsnak! Benny hierdie is fantasties - so seer

Ek staan nogmaals stil - stom. Waagmoed praat hier, ten spyte van die suutjies en versigtig trap aanbieding; hier gesels iemand wat al tromp-op daarmee baklei het, in woede stil geraak het, gehuil en geskreeu het - en nou, as een laaste poging "kom askies" vra want miskien help dit. Die verdomde stilte is 'n martelaar - dit ryg die dood langsaam uit terwyl dit elke oomblik wrang saamsnoer...