was dit gister of drie maande vantevore
toe jy nog bollings somer in bars-vol sakke
na my toe aan karwy het ?
'n hele eselkarretjie vol, met vaaltyn se ore
wat gespits het onder houtspeek-katjier
met sware bale geelgoue are
van jou skouer-ruk se skaterlag -
madeliefies in my hare, my rokkie,
my mond
waar jy hittig geblom het teen my
wolklose verhemelte
son was volop en oopbreek-orig,
aanmanings oor 'n yl dun herfs totaal oorbodig -
jy het gekierang teen enige deursluip laatsomerreën,
braaf en bonkig soos riffel-boombas onder my streel
ek het geswel teen jou middag sonnestand
en jy het gestu in my elke kreukel en spleet -
ek proe steeds jou soet
ek sweer dit voel soos gister
maar my dae het kalenderloos geword
en son is skaars
- jy skaars -
© 2011 Almarie Truter
toe jy nog bollings somer in bars-vol sakke
na my toe aan karwy het ?
'n hele eselkarretjie vol, met vaaltyn se ore
wat gespits het onder houtspeek-katjier
met sware bale geelgoue are
van jou skouer-ruk se skaterlag -
madeliefies in my hare, my rokkie,
my mond
waar jy hittig geblom het teen my
wolklose verhemelte
son was volop en oopbreek-orig,
aanmanings oor 'n yl dun herfs totaal oorbodig -
jy het gekierang teen enige deursluip laatsomerreën,
braaf en bonkig soos riffel-boombas onder my streel
ek het geswel teen jou middag sonnestand
en jy het gestu in my elke kreukel en spleet -
ek proe steeds jou soet
ek sweer dit voel soos gister
maar my dae het kalenderloos geword
en son is skaars
- jy skaars -
© 2011 Almarie Truter