Johannesburg se Paaie

Dis reguit paaie, dis kronkelpaaie, die skerp draaie.
Iewers loop die paaie heen, na waar jy wil wees.
Vragmotors, busse, motors en motorfietse
suis by jou verby na oppad na bestemming

Gedagtes maal in almal se koppe
terwyl aandag gevestig is op pad
mengelmoes van voertuie
party oppad werk toe, party oppad met vakansie
en so kan jy maar opnoem,
almal oppad iewers heen

En ek vra myself af
hoeveel van die mense in hulle voertuie
begin nog hulle dag met God in hull ewe.
Hoeveel ry met moord gedagtes en baklei
hoeveel se dag begin met hartseer
en hoeveel begin met opgewondenheid

Want net God kan jou dag bepaal
al het jy hom beplan, beskik Hy jou dag
waar jy gaan eindig weet niemand vooraf nie

So! Voertuig bestuurder beplan jou dag
sodat dit altyd voel dit is jou laaste dag.
Wees toegeeflik, ry versigtig, neem ander in ag
want jy weet nooit wat vorentoe op jou pad wag nie.