Moeder

    Share
    avatar
    Torm

    Location | Ligging : Donker Afrika
    Posts | Bydraes : 260
    Points | Punte : 465
    Join date | Datum aangesluit : 2011-09-16
    Age | Ouderdom : 60

    Moeder

    Post by Torm on Sat 12 May 2012, 4:44 pm


    smal
    en grys
    sit sy daar
    wie sou kon sê sy het alles
    en almal
    op daardie twee skouers kon dra

    en sag gesels
    draai die kop
    bakhand luister
    wie sou kon sê sy het alles
    gehoor en geweet en altyd
    ter wille van ander
    gewerk
    swaar gedra
    met bene wat nou so dun lyk

    hierdie oudag is rustig
    en die hemel weet wragtig
    sy verdien dit
    terwyl sy immer
    probeer luister en kyk wyl sy sit
    en dra
    aan soveel harte

    © Torm 2012

      Current date/time is Thu 27 Jul 2017, 7:39 pm