Vies-frame ( 2 )

Laatmiddag

hitte sypel deur elke sweetgaatjie
van my natgeswete-lyf

ek wag
uitgeput en ongemaklik warm
vir nag
wat skilpad-skuifel
voetjie vir voetjie
traag nader skuif


( 11/01/2012 18h51 )

Ek moes net kom kyk wat het geword van freeze-frame wat vies geword het.
Maar eintlik is die titel te lig vir 'n baie sterk gedig. Dit dra 'n universele gevoel goed oor en kort 'n meer ernstige titel, dalk skilpad...
Ek het die skilpad-skuifel al voorheen gelees maar ek dink dit was in jou ander gedig, so dis nou 'n tema en steeds vars.
Bietjie later:
Het hom nou al drie keer gelees, regtig sterk. Ek was al daar...

groot smile.
ag baie dankie.
Vies-frame gaan maar oor die alledaagse dingetjies waaroor ons..
moan en so.
(die mens moan mos maar oor alles...)
waardeer jou mooi terugvoer.
dankie