vrymesselaar

moeg en geïrriteer
staan ek voor hierdie muur
- alweer!

‘n muur gebou
met my eie woorde,
gemessel met my eie sentimente,
my eie opinies,
my eie siel!

Berlyn is vêr van hier, maar dalk
skuil ‘n antwoord daar.

hier staan ek,
sonder ‘n hamer,
maar die lont in my hart
blaas jou vandag in jou moer!

want ek het jou gebou.

© (09.09.2011) Rudi Prinsloo, Alle regte voorbehou

wow!!!! ken daai gevoel, "vandag blaas ek jou in jou moer want ek het jou gebou!"

dankie Ronel.

Damn......Daardie selfbesef dat ons menigmaal die skeppers van ons eie kerkers is! Die inner-frustrasie hier is tasbaar.....Sien, dis waarom ek altyd sê, 'n goed geplaasde keurig gekose kragwoord in 'n spesifieke vers kan 'n vers maak!-soos jy hier meesterlik bewys ! Jou titel laat die konteks en inhoud ook oopbars na 'n ander dimensie ! Hoed af vir hierdie een !

a

ams, ek waardeer jou lees en kommentaar uit my hart. dankie.