Ontdekkingstog

Jou vingers streel oor die paaie van my siel
vryf oor letsels van onthou soos tyd verniel
Jou oë kyk diep deurdringend na my vensters
en jy sien keer op keer al my verborge flenters
Een vir een vlindersag soen jy met soveel teerheid
ontmasker en nakend staan ek vol weerloosheid
Warm in jou arms toegevou ontwaak ek weer as vrou
sluimerende gevoelens weggebêre diep en minder rou
Ek verloor myself in jou wonderlike adamsgeur
passievol vind my ritme jou hart se dieprooi kleur
Eufories vol plesier vind ons siele stille tevredenheid
ontdekkingstog na diepe geluk vervul tot in ewigheid

© Madri Cordier