Kriptologie

my palm gedraai,
effens na bo,
(bewustelik)
so aanvaar ek jou hand
(submissief)

ek; bewus van die ferm greep,
grootbek; waarskuwend!
oormag in elke kneukel verwit;
my ietwat verslapte antwoord
wat lekkerkry en lag (na binne).

jy; met voor-kennis gestook;
ek; wat die vraag in jou oë lees
- slagpgewrig, kriptologies
(skaamkry se gat!)
self dan maar drie maal kraai.

© (31.05.2011) Rudi Prinsloo, Alle regte voorbehou

die subtiele speling in hierdie werk is brilliant!!
meesterlik gedoen

Ronel, ek is weereens dankbaar vir jou terugvoer. Jy het 'n geoefende lees-oog en ek waardeer jou "raaklees" hiervan.