mens sou ‘n brug kon bou
tussen my en jou,
want ek is hier, en
jy is daar.
(wie sou hom oorsteek?)
met lettergreep,
byvoeglike naamwoord en
slim-woorde as messelgoed
sou ons kon bou, elk
aan sy eie bros-steen pilaar.
(om die brug te anker aan beidekant)
daar anderkant
val jou skadu groot en wyd
oor jou heerskappy;
droom en bou jy fluks
aan jou siersteen-paleis,
jou lewens-droom,
(liefde gun dit tog?)
hoe is dit dan,
met jou daardie kant
en ek hierdie kant,
(selfs in die middag-son)
dat ek steeds verkluim
in die aangeklamde holte
van jou kieliebak.
(kieliebak? wie sal laaste lag?)
hoe kan ek dit so intens voel,
aanhou voel - asof werklik,
met jou daar,
en ek hier…
ai.
© (05.08.2011) Rudi Prinsloo, Alle regte voorbehou
tussen my en jou,
want ek is hier, en
jy is daar.
(wie sou hom oorsteek?)
met lettergreep,
byvoeglike naamwoord en
slim-woorde as messelgoed
sou ons kon bou, elk
aan sy eie bros-steen pilaar.
(om die brug te anker aan beidekant)
daar anderkant
val jou skadu groot en wyd
oor jou heerskappy;
droom en bou jy fluks
aan jou siersteen-paleis,
jou lewens-droom,
(liefde gun dit tog?)
hoe is dit dan,
met jou daardie kant
en ek hierdie kant,
(selfs in die middag-son)
dat ek steeds verkluim
in die aangeklamde holte
van jou kieliebak.
(kieliebak? wie sal laaste lag?)
hoe kan ek dit so intens voel,
aanhou voel - asof werklik,
met jou daar,
en ek hier…
ai.
© (05.08.2011) Rudi Prinsloo, Alle regte voorbehou
baie dankie Ronel, jy eer my met sulke geesdriftige kommentaar.