ode aan ʼn digteres

ʼn woord
is baie presies
as jy weet en ken en kies
en as jou hart in die nanag
woorde sing

biblioteekstilte
omgeef die vrede
van haar tent op die vlakte
van herinnering
as sy aan die eensames
en die soekendes
terdeë
die woorde van ondervinding
soos ʼn goeie koppie tee
bring

die baie wat dit verstaan
is min
teenoor diè wat woorde
op ʼn laer vlak beoordeel
sonder die voordeel
van insig
die vrug
van dekades
se pen-skuur
stiltes

maar sy, die praatskrywer
sy wou nie
leer om dit finansieel
korrek te doen nie
maar eerder
emosioneel
onbeskroomd
toe sny hulle haar
soos baie voor haar
af

© Torm 2011

...gou vir my gunsteling gedig kom stem....

lief jou laaste vers, baie mooi!

Baie dankie Adele Meyer Smit en Ammie Moon !
Adele, het jy al vir die gedig gestem? Jy kan nog, as jy wil. Kyk bo-aan.

Ek lief jou gedig en het my merk gemaak!

Baie dankie Camsica * maak kniebuiding * ek waardeer!

Dit is vir my so hartseer dat hierdie gedig nou in 'n furore betrokke geraak het omdat hy blykbaar die meeste regmatige "likes" gehad het voordat die reëls verander is. Hierdie arme gedig het so 'n lang en seer pad tot hier geloop en dit is maar net 'n ou gediggie. Dit was nooit die bedoeling dat daar nou 'n bakleiery moes wees nie. Indien wel, dan eerder met hulle wat die digteres afgesny het, nie tussen medeskrywers nie.
Wil almal nie maar eerder vrede maak sodat ons kan aanhou skryf viri lekker nie?
Moet ek dalk maar eerder die arme ding onttrek voordat daar vuiste tussen vriende klap?

hierdie is regtig fantasties .... en ja die baklei-ery is somer net 'BLEEEGGHHHH"

Ja ek het gestem..dit is regtig 'n pragtige gedig..
en lekker gegiggel..oor alles en nog wat

Hoe kan ek vir julle almal dankie sê? Ek weet nie eers wie al die dosyne stemmers is nie. En vir Rudi vir die gratis publisiteit. ;-) En vir Benny&Co vir die geleentheid.
Adele, jy't die regte antwoord op ons kwaal: humor!

Torm,jyt geen rede om sleg te voel oor die stem-issue nie...jyt die reels reg gevolg van die begin af.en is die voorloper omrede jy en jou gedig al die likes gekry het.en dit verdien.
SIen:fairplay do sometimes reward you.
bemark nou die outjie verder...
my uitdaging aan jou:
ek soek 100 Likes teen 15 Feb.
so..jy beter gaan votes soek!!!!

stuur asb n privaat boodskap vir my deur die Freestyle-sisteem..ek wil graag die storie agter die storie van die gedig en digteres weet?
dankie

Rudi, die gedig is allegories en enige verwysing na werklike persone of gebeure is toevallig.
Genoeg digteresse het genoeg pyn deurgegaan om die gedig te regverdig. Ek kan nie enige verdere inligting verskaf nie.
Ek wens 'Karoo' het eerder soveel stemme gehad. Hierdie ondervinding was nie vir my aangenaam nie en ek is spyt oor die bemarking wat ek gedoen het toe die gedig tydelik benadeel is.

die gedig is aan die einde nie benadeel nie.en met jou bemarking het jy klomp Likes bygekry..flip..kyk net hoeveel Likes is hier!!!!!!!!!!!!!!!!!!!!!!!!!!!!!!!!!
so..wats jou probleem>?

flip....
jy gaan sowaar 100 likes haal...
I'm impressed......
(psst:sal jou moet huur om vir my votes te campaign met my 5 inskrywingkies........hulle is maar skaars by my!)

Rudi, ek moet maar want Lizelle se "My drie-anker baai" is kort op my hakke en was selfs op 'n stadium voor my. Werner vorder ook teen omtrent tien stemme per week.

Psst: kry iemand om 'n bakleiery oor jou gedig te begin...niks werk beter as dit nie...

hehehe....wie het oor jou gedig bakklei?.....lyk my dan dat die wenner eers op die laaste oomblik beslis gaan word.....maak dinge exciting.

112 likes...flippen hel.....
ffff amazing.

Ek kan maar net baie dankie sê.
Hallo Rudi!