Kliphard

soos yskoue winterweer
sy hart soos klip verweer
erosie deur haat
geplant in sy lewe
dolleeg gestroop deur verraad
opgekap deur gulsigheid

hoe meer hy het
hoe harder die hart
‘n hart vol klipharde smart

‘n liefdelose lewe
want emosies mag hy nie wys
dit is vir ‘n lafaard bedoel
opgesom in ‘n dam vol trane

Sjoe Enid, dan praat jy elders van ontboeseming - en hier doen jy dit self! Jy tref kolskoot met hierdie werk en mens staan half moedeloos saam met jou voor die gesig van die dam vol trane. Pragtig gedoen, werklik.