Manie

My seun, is ek bly dat jy myne is!
Meer as wat jy ooit sal wis.
Want ‘n pa is soms vol berou
Sien ek soveel van my in jou!
Bid ek God om genade
Bid beskerming teen die misdade
Glo ek jou lewe in my gees
Sal meer geseend as myne wees

Jou kop is hard, ‘n stormram
‘n luiperd welp wat in die takke hang
Sterk en rats voor die span
Tou optel en voorwaards gaan.
Vra net tog seen van die Vader
Nederig as jy tot Hom nader.
Was ek nooit bekwaam
Om n pa te wees in Sy naam!
Maar is ek deur hom geseen
‘n wakker, verstandige seun!

Sal ek nooit vir beter kan vra
As die drie wat my naam dra!
Kraale en kampe sal jou nie gesel
Want jy is n wilde esel
Gemaak vir vlaktes en berge
Slaap jy op vars koring gerwe.
Sal geen toom jou ooit kan stuur
Stang in jou mond sal jy nie verduur!

Is jy my dagbreek in die bosveld
My trots moet ek meld!
Leef op die vlerke van jou drome.
Staan tussen lang, digte bome!
Sal ek die legkaart skaars verstaan
Is jy die een wat die pad moet baan
Maar weet dit in jou drewe
Dat jou pa jou lief het, heel sy lewe! – Manie Jackson