Die Onverwagse Waarheid

Kuiertjie van vroeg tot laat by haar,
‘n tyd wat nooit gewoonlik langer was as juis toe,
iewers kort daar iets, daar is groot fout,
maar kry nie die kloutjie by die oor nie.

Koffietjie word gemaak, maar sy vra die nuwe koppietjie.
Ag nee, wat daar is nog baie tyd vir daardie koppietjies
min wetend hoe onverwags die waarheid voor jou kom le.

Die telefoon lui aanhoudend, selfoon se battery naderhand
nie meer krag vir al die oproepe wat gemaak word nie.
'n Verrassings partytjie word gereel, juis vir haar
maar dit was nooit beskore om te kon plaasvind nie.

Iewers in die donker nag, het iets verkeerd geloop,
'n hand wat uitgereik het na 'n glas water,
die diepste pyn wat deur geskemer het,
was haar laaste uur in haar alleenheid.

Gemoedere wat stil geraak het, aan 'n wonderlike
moeder geken deur baie mense, het toegelaat dat God
haar kom haal om haar doel te dien by Hom.

Groot was die hartseer om haar te kon afstaan,
telefoon oproepe hier, drukkies daar, oral was
gesimpatiseer, maar die seer het lank gebly.

Sy was 'n moeder met baie liefde en geduld.
So opreg is net aan God te danke gewees.
'n Moeder wat altyd deur haar kinders onthou sal word.