Kaalvoet op die maan

    Share
    avatar
    AmmieMoon

    Location | Ligging : Saldanhabaai
    Posts | Bydraes : 413
    Points | Punte : 689
    Join date | Datum aangesluit : 2011-08-28
    Age | Ouderdom : 18

    Kaalvoet op die maan

    Post by AmmieMoon on Sun 01 Jul 2012, 1:43 pm


    nag was wit soos 'n sprokiesverhaal
    ek het heelnag alleen op die maan gestaan

    rondom my het blomme gebod
    blomme met saadknoppe so groot soos vuiste
    kleur was oral in uitspattigheid
    en die aarde was klein en vêr, oorspoel met water
    'n minute blou stippeling
    voëls met groen vere het nag lank in my hart gesing

    ek was deursigtig,
    transparant soos my gedagtes
    daar was niemand op die maan behalwe ek nie
    net my moeder se hartklop onder my kaal voete
    haar bors se deining het gegolf oor 'n vrugbare vallei
    'n duisend gedigte het gefladder rondom my

    nag was bladsye uit 'n oeroue verhaal
    ek het heelnag alleen op die maan gestaan.



    © 2012 Almarie Truter


    _________________
    Ammie Moon

      Current date/time is Thu 17 Aug 2017, 6:35 pm