Kom neem my hand
Here, dit is so hartseer om die aftakeling te aanskou
Wat besig is om elke dag meer en meer te ontvou
‘n totale metamorfose – dag vir dag, uur na uur
Die uiteindelike produk – waarvoor geen kuur.
Net genade, genade is die enigste hoop
Om hierdie pad saam met haar te loop
Neem my hand Mammie – ons stap saam hierdeur.
Ons verstaan nie Here, wat is die doel daarvan
Wie moet hieruit leer – en wie van ons kan
Tot die einde hierdie skynbare sirkus-rol vertolk
Dis seer en sensitief – die aanskoue steek soos ‘n dolk
Want die hulpelose pogings dien geen doel
Om die hitte van die stryd deur samewerking of naaste-liefde te laat afkoel
Maar kom Mammie – neem my hand – dan stap ons aan
Dis ‘n slingerpad wat na nêrens ly
En die voete sonder ‘n raam onder jou uit laat gly
Ons keer en praat – raas en dreig
Maar deur net ‘n kyk van haar – dan moet ons swyg
Kom dan maar wat wil – want moedswilligheid neem oor
En moet ons regte prosedures op talle maniere uit-toor.
Neem my hand Mammie – ons stap saam aan
Alhoewel die mens se stryd nie is teen vlees en bloed
Stry ons die stryd om te bad en te keer vir al die soet-goed
Wat die brein se werking so totaal uiput
En die moegheid nooit ophou, en sy net wil bly sit
Dis eintlik so onnodig, want dit grens aan selfdoen-swaarkry
Maar hoe hou ons dit in toom – hoe moet ons daarteen stry
Maar kom Mammie – kom neem my hand – ons stap nog saam
Die pad is nie maklik nie – die struikelblokke is veel
Saam pak ons dit aan, gemoedere stukkend, maar word tog geheel
Dis tande kners, uithou, aanhou – pleit, bid om genade, stil gebed
Dat Jesus Alomteenwoordig sal wees en elke moeilike situasie red
Dis moeilik, ja baie moeilik, maar ons moet probeer en ons gaan voort
Om haar so lank as moontlik tuis te hou, eerder as ‘n versorgingsoord
En duidelik hoor ons: Kom kinders, kom neem My Hand- Ek sal lei!
Dankie Jesus, dat U altyd weet wanneer ons moeg geswoeg is en nie meer herwaarts of derwaarts weet nie –wanneer moedeloosheid verstikkend om ons vou en dan U Stem hoor: Kom, neem My Hand – Ek sal julle lei! - Amen
Here, dit is so hartseer om die aftakeling te aanskou
Wat besig is om elke dag meer en meer te ontvou
‘n totale metamorfose – dag vir dag, uur na uur
Die uiteindelike produk – waarvoor geen kuur.
Net genade, genade is die enigste hoop
Om hierdie pad saam met haar te loop
Neem my hand Mammie – ons stap saam hierdeur.
Ons verstaan nie Here, wat is die doel daarvan
Wie moet hieruit leer – en wie van ons kan
Tot die einde hierdie skynbare sirkus-rol vertolk
Dis seer en sensitief – die aanskoue steek soos ‘n dolk
Want die hulpelose pogings dien geen doel
Om die hitte van die stryd deur samewerking of naaste-liefde te laat afkoel
Maar kom Mammie – neem my hand – dan stap ons aan
Dis ‘n slingerpad wat na nêrens ly
En die voete sonder ‘n raam onder jou uit laat gly
Ons keer en praat – raas en dreig
Maar deur net ‘n kyk van haar – dan moet ons swyg
Kom dan maar wat wil – want moedswilligheid neem oor
En moet ons regte prosedures op talle maniere uit-toor.
Neem my hand Mammie – ons stap saam aan
Alhoewel die mens se stryd nie is teen vlees en bloed
Stry ons die stryd om te bad en te keer vir al die soet-goed
Wat die brein se werking so totaal uiput
En die moegheid nooit ophou, en sy net wil bly sit
Dis eintlik so onnodig, want dit grens aan selfdoen-swaarkry
Maar hoe hou ons dit in toom – hoe moet ons daarteen stry
Maar kom Mammie – kom neem my hand – ons stap nog saam
Die pad is nie maklik nie – die struikelblokke is veel
Saam pak ons dit aan, gemoedere stukkend, maar word tog geheel
Dis tande kners, uithou, aanhou – pleit, bid om genade, stil gebed
Dat Jesus Alomteenwoordig sal wees en elke moeilike situasie red
Dis moeilik, ja baie moeilik, maar ons moet probeer en ons gaan voort
Om haar so lank as moontlik tuis te hou, eerder as ‘n versorgingsoord
En duidelik hoor ons: Kom kinders, kom neem My Hand- Ek sal lei!
Dankie Jesus, dat U altyd weet wanneer ons moeg geswoeg is en nie meer herwaarts of derwaarts weet nie –wanneer moedeloosheid verstikkend om ons vou en dan U Stem hoor: Kom, neem My Hand – Ek sal julle lei! - Amen