Somtyds

    Share
    avatar
    Torm

    Location | Ligging : Donker Afrika
    Posts | Bydraes : 260
    Points | Punte : 465
    Join date | Datum aangesluit : 2011-09-16
    Age | Ouderdom : 60

    Somtyds

    Post by Torm on Tue 01 May 2012, 8:20 am


    somtyds kan net die see
    aan my berusting gee
    somtyds sien ek te veel
    tussen die lyne, te veel
    agter die skuiwe
    van die skaakmeesters wat speel
    met ons lewens en ons daaglikse
    stryd om oorlewing;
    hoor jy die dreuning
    van woeste veraf waters as jy wakker
    lê en dink hoe om jou eie akker
    te verskans teen die donker water
    tot die hadeda die dag breek met sy geskater

    vat selwers die pad langs die strand af
    met voetspore wat water trek en wegwas,
    spoorloos weg in die eindelose see
    wat ritmies deining op deining dans oor die kim

    maar somtyds is die antwoorde so verstrengel
    in eindelose rafels van dag na dag se sekondes
    en alles wat gebeur het en gesê is
    dat dit somtyds versmoor of benoud verwater
    tot dit noodwendig later
    net spoke van antwoorde word;
    in die meedoënlose see van werklikheid stort -
    dink hoe dobber dit onsigbaar daar
    op deinings van eindelose dae rond

    vat selwers die pad langs die strand af
    met voetspore wat water trek en wegwas,
    spoorloos weg in die eindelose see
    wat ritmies deining op deining dans oor die kim

    © Torm 2012
    Met dank aan musiekmeesters Chris Rea en Depeche Mode wie se Sometimes liedjies se atmosfeer my inspireer.
    avatar
    Torm

    Location | Ligging : Donker Afrika
    Posts | Bydraes : 260
    Points | Punte : 465
    Join date | Datum aangesluit : 2011-09-16
    Age | Ouderdom : 60

    Re: Somtyds

    Post by Torm on Fri 04 May 2012, 10:18 pm

    Hierdie is die oorspronklike Somtyds gedig met berusting langs die strand by die see.
    Beware of cheap imitations. Mad

      Current date/time is Thu 17 Aug 2017, 6:44 pm