koud rebelleer
vel tot hoendervleis
en ril-af ruggraat
waar ribbes
raaskas speel
in ’n afrikaner wit vel
swart hang
’n swaar mantel
van moeë skouers
se vrae
se hoekom
en maybe's
boggel druk
’n blinksoom manelstert puntig
soos ’n duiwel se vurk
as swart stewels
blink in stof en stank
langs ’n oop graf
se kamma groen
gras drappering
stil…
ou kraai draad sit
koggelend
in kantlyn geskinder
nommer ASB
jy mors tyd
met jou mmm's en ah’s
die sentrale is besig
waar inluister se shame en siestog
voorkeur geniet
bo nood en dood
oogtraan drup
in lewe se onreg
as ’n ma
antwoordloos staar
na ’n gat
’n kis
en ’n kind
nou koud alleen
maar nooit vergete
nee
nee nooit
vergete in ’n somber stilte.
BennyB
© 11/04/2012 Barend Booysen