Luister na jou siel

LUISTER NA JOU SIEL

Sag lê ek en luister
hoe jou wese fluister
dinge net vir my ore bedoel
voel jou asemhaling in my siel
sien hoe liefde jou gesig streel
onthou hoe ons die volmaan
die aande op die strand deel

ritmies beweeg jou liggaam
in slaap al jou probleme vergaan
wonder droom jy van romanse
van feeverhale wat net jy verstaan
sag speel ek met jou hare
jy vloei deur my are
die kern van my bestaan

jy moes te gou weggaan
wonder sit jy nou in die sekelmaan
nogsteeds as ek luister
hoor ek jou fluister
'n roepstem uit die duister
en vir die eerste keer begin ek verstaan
my liefde vir jou sal ewig bestaan

© Barend van Huysen